რონდელის ბლოგი
ჰელსინკის სამიტი და მისი ძირითადი შედეგები
ავტორი: გიორგი ბილანიშვილი, რონდელის ფონდის მკვლევარი
ბოლო პერიოდში საერთაშორისო პოლიტიკის ერთ-ერთი ყველაზე აქტუალური თემაა ა.წ. 16 ივლისს გამართული ჰელსინკის სამიტი. შეხვედრა მართლაც მრავალმხრივ საყურადღებო და არაორდინარული იყო. ამის დასტურად იმის თქმაც საკმარისია, რომ ტრამპისა და პუტინის შეხვედრა, რომელსაც მხოლოდ თარჯიმნები ესწრებოდნენ, 2 საათზე მეტ ხანს გაგრძელდა. მხოლოდ ამის შემდეგ დაიწყო შეხვედრა საერთაშორისო პრაქტიკაში მიღებული ფორმატით, რომელშიც ორი ქვეყნის პრეზიდენტები უკვე თავიანთ დელეგაციებთან ერთად მონაწილეობდნენ.
ჰელსინკის სამიტმა კიდევ ერთხელ დაადასტურა, რომ ვაშინგტონსა და მოსკოვს საერთაშორისო პოლიტიკის ბევრ საკითხზე განსხვავებული პოზიციები აქვთ. როგორც მოსალოდნელი იყო, გამოჩნდა ისიც, რომ აშშ-რუსეთის ურთიერთობების გაუმჯობესება არ არის მარტივი საკითხი. ჰელსინკის სამიტზე არათუ მსგავსი რამ არ მომხდარა, არამედ პროცესიც კი არ დაწყებულა. რუსული მხარის გამოკვეთილი ინტერესის მიუხედავად, სამიტზე არც ერთობლივი დეკლარაცია მიუღიათ და მხოლოდ ერთობლივი პრესკონფერენციით შემოიფარგლნენ, რაც მხარეთა პოზიციებს შორის განსხვავების კიდევ ერთი მკაფიო დასტურია.
როგორც სამიტის დასრულების შემდეგ გაკეთებული კომენტარებიდან და გავრცელებული ინფორმაციიდან გამოჩნდა, შეხვედრაზე მრავალ საკითხზე ისაუბრეს. მათ შორის იყო საერთაშორისო პოლიტიკის ისეთი მწვავე და აქტუალური თემები, როგორიცაა აღმოსავლეთ უკრაინის პრობლემატიკა, ჩრდილოეთ კორეის ბირთვული განიარაღება, ირანის ბირთვული შეთანხმება და სხვა.
ამავე დროს, სამიტის შემდეგ გამართულ პრესკონფერენციაზე გაკეთებული განცხადებებიდან გამოიკვეთა ორი შედარებით მსხვილი საკითხი, რომელიც მომავალში შესაძლოა აშშ-რუსეთის გარიგების საგანი გახდეს. ესენია: მასობრივი განადგურების იარაღის გაუვრცელებლობისა და სირიის საკითხები. შესაბამისად, ქვემოთ ამ საკითხების უფრო დეტალურად განხილვას შევეცდებით.
მასობრივი განადგურების იარაღის გაუვრცელებლობა
ვლ. პუტინმა პრესკონფერენციაზე განაცხადა, რომ სტრატეგიული სტაბილურობისა და მასობრივი განადგურების იარაღის გაუვრცელებლობის თაობაზე აშშ-ის მხარეს გადაეცა კონკრეტულ წინადადებათა პაკეტი. იგი, სავარაუდოდ, მოიცავს „სტრატეგიული შეტევითი შეიარაღების“ თაობაზე შეთანხმების გაგრძელების შეთავაზებას, რომელსაც ვადა 2021 წელს გასდის. ამასთან ერთად, უნდა ვივარაუდოთ, რომ ზემოხსენებულ პაკეტში შესულია მოსკოვის პოზიცია „ანტიბალისტიკური სარაკეტო“ (ABM) შეთანხმების თაობაზე, რომლიდანაც აშშ ჯერ კიდევ 2001 წელს, ჯორჯ ბუში უმცროსის ადმინისტრაციის დროს, გავიდა.
რუსეთი მიიჩნევს, რომ ABM-ის შეთანხმებიდან გასვლამ აშშ-ს მისცა შესაძლებლობა განეთავსებინა პოლონეთსა და რუმინეთში რაკეტსაწინააღმდეგო თავდაცვის სისტემები. მოსკოვის შეფასებით, ეს სისტემები მიმართულია რუსეთის წინააღმდეგ. შესაბამისად, იგი მუდმივად აყენებს საკითხს მათი გაუვნებელყოფისა და აშშ-ის ABM-ის შეთანხმებაში დაბრუნების თაობაზე.
მოსკოვის ეს მცდელობა უშედეგოა, რადგან არც ბუშის და არც ობამას ადმინისტრაციას ეს საკითხი არ განუხილავთ. მიუხედავად იმისა, რომ ტრამპის მიდგომები რუსეთთან მიმართებაში ბევრ საკითხზე განსხვავებულია მისი წინამორბედებისგან, უნდა ითქვას, რომ ABM-ის შეთანხმებაში დაბრუნება არც მისი პრეზიდენტობის პერიოდში განხილულა.
სირია
შეხვედრაზე ასადის თემა, სავარაუდოდ, არ განხილულა, რადგან ეს შეხვედრის შემდეგ გამართულ პრესკონფერენციაზე სირიის თემაზე საუბრისას არც ტრამპს და არც პუტინს არ უხსენებიათ. მთავარი განსახილველი საკითხი, როგორც ჩანს, იყო ისრაელის უსაფრთხოების თემა, რომელიც უკავშირდება გოლანის მაღლობების კონტროლს და, ასევე, ირანის პოზიციების განმტკიცებას სირიაში.
პრეზიდენტმა პუტინმა პრესკონფერენციაზე აღნიშნა, რომ „სირიის სამხრეთ-დასავლეთში, ე.წ სამხრეთის ზონაში, ტერორისტების სრული განადგურების შემდეგ, სიტუაცია გოლანის მაღლობებზე უნდა დაბრუნდეს სრულ შესაბამისობაში იმ პირობებთან, რომელსაც ისრაელისა და სირიის ჯარების დაშორიშორების თაობაზე 1974 წლის შეთანხმება ითვალისწინებს“.
ეს საკითხი რომ უმთავრესი იქნებოდა ჰელსინკის სამიტზე, წინასწარვე კარგად გამოჩნდა, როდესაც მოსკოვში გაიმართა მაღალი დონის კონსულტაციები როგორც ისრაელის, ისე ირანის მხარესთან.
როგორც ჩანს, ისრაელი არ არის კმაყოფილი შექმნილი ვითარებით. ჰელსინკის სამიტის დასრულებიდან მალევე გავრცელდა ინფორმაცია, რომ ისრაელმა გოლანის მაღლობების მახლობლად სირიის სამხედრო თვითმფრინავი ჩამოაგდო.
ამასთან, ა.წ. 23 ივლისს თელ-ავივში ვიზიტით იმყოფებოდა რუსეთის დელეგაცია საგარეო საქმეთა მინისტრ ს. ლავროვის ხელმძღვანელობით, რომლის შემადგენლობაში რუსეთის შეიარაღებული ძალების გენერალური შტაბის უფროსი ვ. გერასიმოვიც იყო. დელეგაციამ შეხვედრა გამართა ისრაელის პრემიერ-მინისტრ ბენიამინ ნეთანიაჰუსთან. ისრაელის მხრიდან შეხვედრაში მონაწილეობდნენ თავდაცვის მინისტრი, გენერალური შტაბის უფროსი, უშიშროების საბჭოს მდივანი და სხვა მაღალი დონის ოფიციალური პირები.
მოსკოვი, სავარაუდოდ, კარგად აცნობიერებს, რომ ისრაელის უსაფრთხოების საკითხი მისთვის სირიის პრობლემატიკაში ერთ-ერთი მთავარია. ცხადია, ისრაელი ამ საკითხშიც არ აპირებს უკან დახევას. ნაკლებად სავარაუდოა რაიმე სახის დათმობა ტრამპის მხრიდანაც, რომელიც ისრაელის ძალიან მტკიცე მხარდაჭერით გამოირჩევა. სადავოა ისიც, გააჩნია თუ არა მოსკოვს ისეთი მყარი ბერკეტი, რომლის მეშვეობითაც ირანს აიძულებდა სირიაში ისრაელის ინტერესების გათვალისწინებას.
სხვა მნიშვნელოვანი საკითხები
ზემოხსენებულის გარდა, უშუალოდ შეხვედრიდან და მის შემდეგ განვითარებული პერიპეტიებიდან კიდევ რამდენიმე მნიშვნელოვანი დასკვნის გაკეთება შეიძლება.
დადასტურდა, რომ აშშ-ის წინააღმდეგობა რუსეთთან ურთიერთობების დარეგულირების მიმართ ძალიან მაღალ დონეზეა. ტრამპის მიმართ მწვავე კრიტიკული განცხადება გაკეთდა არა მხოლოდ მისი ოპონენტების, არამედ რესპუბლიკელი კონგრესმენების მხრიდანაც. ისიც უნდა ითქვას, რომ ტელეკომპანია “FOX News”-იც კი, რომელიც ზოგადად რესპუბლიკელების და პირადად ტრამპის მხარდაჭერით გამოირჩევა, ამჯერად კრიტიკული იყო აშშ-ის პრეზიდენტის მიმართ.
სწორედ ამ კრიტიკის შედეგია, რომ ტრამპმა ჯერ გადათქვა პრესკონფერენციაზე გაკეთებული განცხადება 2016 წლის აშშ-ის საპრეზიდენტო არჩევნებში რუსეთის ჩარევის თაობაზე, შემდეგ კი - რუსეთის პრეზიდენტთან შეხვედრამ მომავალი წლისთვის გადაიწია, რომელიც როგორც თავდაპირველად დაანონსდა, ტრამპის მოწვევით ა.წ. შემოდგომაზე უნდა გამართულიყო ვაშინგტონში.
საქმე მხოლოდ პოლიტიკური ისტებლიშმენტისა და მედიასაშუალებების კრიტიკაში როდია. გამოკითხვების თანახმად, ტრამპის პოლიტიკას რუსეთის მიმართ ძალზე დაბალი მხარდაჭერა აქვს, რაც არ არის უმნიშვნელო ფაქტორი ა.წ. ნოემბერში დაგეგმილი კონგრესის შუალედური არჩევნების წინ.
რაც შეეხება რუსეთს, კარგად გამოჩნდა ერთი რამ: რუსეთი, მართალია, კვლავ ხმამაღლა აცხადებს, რომ დასავლურმა სანქციებმა მას ვერაფერი დააკლო და მომავალშიც არ აპირებს საკუთარი საგარეო-პოლიტიკური გადაწყვეტილებების გადახედვას, მაგრამ, როგორც მინიმუმ, აშკარად არაკომფორტულად გრძნობს თავს. შესაბამისად, იგი ცდილობს რამენაირად მოახერხოს გარღვევა, გააუმჯობესოს ურთიერთობები დასავლეთის ქვეყნებთან და, რაც მთავარია, მიაღწიოს მის წინააღმდეგ დაწესებული სანქციების მოხსნას. ეს, სავარაუდოდ, არ იქნება ადვილად შესასრულებელი ამოცანა, რადგან მოსკოვი უკრაინისა და ზოგადად საკუთარი საგარეო-პოლიტიკური ინტერესების საკითხში დათმობებზე წასვლას ჯერჯერობით არ აპირებს. ამდენად, დასავლეთისა და რუსეთის ურთიერთობებში გარღვევა ისევ ისე რთულად განსახორციელებელია, როგორც ჰელსინკის სამიტამდე იყო.
თემატური პოსტები
- რუსეთ-საქართველოს შორის ოკუპირებული აფხაზეთის გავლით სარკინიგზო მიმოსვლის აღდგენის მოსალოდნელი პოლიტიკური შედეგები
- ოკუპირებული აფხაზეთი და ცხინვალის რეგიონი: ვაჭრობის „ლეგალიზაცია“ და რუსეთის სატრანზიტო დერეფნის პერსპექტივები
- თურქეთის საპრეზიდენტო და საპარლამენტო არჩევნების შედეგები
- იგებს თუ არა უკრაინა ომს და რა გათვლა შეიძლება ჰქონდეს რუსეთს?
- რუსეთის დიპლომატიური იერიში აფრიკაში
- რუსეთის საგარეო პოლიტიკის ახალი კონცეფცია და საქართველოს ოკუპირებული რეგიონები
- რას ცვლის პუტინის დაკავების ორდერი?
- სანქციების მეათე პაკეტი - რუსული აგრესიის ერთი წელი
- ჩინეთ-რუსეთის ურთიერთობის დინამიკა რუსეთ-უკრაინის ომის ფონზე
- რუსეთ-უკრაინის ომი და რუსეთის გრძელვადიანი სტრატეგიული ინტერესები
- ფრენების აღდგენა რუსეთთან – პოტენციური შედეგები საქართველოსთვის
- ჰიბრიდული ომი რუსული წესებით და უკრაინის რეზისტენტობა
- მოლდოვის გამოწვევები უკრაინაში ომის ფონზე
- ცვლის თუ არა ისრაელის ახალი მთავრობა ამ ქვეყნის პოლიტიკას რუსეთ-უკრაინის ომის მიმართ?
- რა სურს რუსეთს საქართველოსგან?
- სანქციების მეცხრე პაკეტი - რუსული ესკალაციისა და სარაკეტო იერიშების საპასუხოდ
- საფრთხე, რომელიც რუსეთ-უკრაინის ომის შემდეგ შეიძლება დაემუქროს რუსეთის მეზობლებს
- რისთვის ემზადება ბელარუსი
- ბელარუსის და რუსეთის მიერ ოკუპირებულ აფხაზეთთან სავაჭრო-ეკონომიკური ურთიერთობების გაღრმავება: „აფხაზეთის დამოუკიდებლობის“ აღიარების წინაპირობა?
- „მიტაცებული ემოციები“ - რუსული პროპაგანდა
- სანქციების მერვე პაკეტი - პასუხი რუსულ ანექსიასა და უკანონო რეფერენდუმებზე
- რა ელის იტალიის საგარეო პოლიტიკას ჯორჯია მელონის გამარჯვების შემდეგ?
- ლუკაშენკოს ვიზიტი ოკუპირებულ აფხაზეთში: მიმოხილვა და შეფასებები
- რა საკითხები განიხილეს პუტინი-ერდოღანის შეხვედრისას?
- სანქციების მეშვიდე პაკეტი და ემბარგო რუსულ ოქროზე
- ცხინვალის არშემდგარი რეფერენდუმი
- ომი და საქართველო
- „ავტოკრატიული მშვიდობა“
- „რურალური ორბანიზმი“ - პოლარიზაცია, როგორც უნგრეთის პოლიტიკური მომავლის განმსაზღვრელი ფაქტორი
- არალეგიტიმური საპრეზიდენტო არჩევნები ცხინვალის რეგიონში: რატომ წააგო ბიბილოვმა და რა იქნება ბიბილოვის შემდეგ?
- ომი უკრაინაში და გაერთიანებული სამეფოს ახალი როლი აღმოსავლეთ ევროპაში
- რას მოუტანს სამხრეთ კავკასიას ეუთოს მინსკის ჯგუფის გაუქმება?
- რატომ გააქტიურდა აფხაზური მხარე სოციალურ ქსელებში?
- რატომ არ მოსწონს პუტინს ნეიტრალური უკრაინა? (უკრაინის ნეიტრალური სტატუსი აქტუალური ხდება - რას ნიშნავს ეს პუტინისთვის?)
- ევროპის ენერგომომავალი - გამოწვევები და შესაძლებლობები
- მასობრივი უკონტროლო მიგრაცია და საქართველოს ხელისუფლების პოზიცია
- რა ცვლილებები მოხდა პუტინის რეჟიმის პროპაგანდის ნარატივებში უკრაინაში რუსეთის შეჭრიდან დღემდე
- როგორია თურქეთის პოზიციები და ქმედებები რუსეთ-უკრაინის ომში
- ნატოს შესაძლო გაფართოება ჩრდილოეთ ევროპაში და მისი მნიშვნელობა საქართველოსა და უკრაინისთვის
- პეკინის ზამთრის პოლიტიკური ოლიმპიადა
- რა დგას პუტინის უკრაინაში გამბიტის უკან?
- L'Europe pourra-t-elle éviter le “déjà vu” ? (საფრანგეთი, ევროკავშირის საბჭოს თავმჯდომარე და დაძაბულობა აღმოსავლეთ ევროპაში)
- აშშ-რუსეთის ურთიერთობები და უკრაინის საკითხი
- რამზან კადიროვის რეჟიმის ახალი სამიზნეები
- რა გავლენას მოახდენს მერკელის პოლიტიკიდან წასვლა ევროკავშირის პოლიტიკაზე რუსეთისა და აღმოსავლეთის სამეზობლოს მიმართ?
- რა დგას საქართველოსა და უნგრეთის მთავრობების მზარდი თანამშრომლობის უკან
- „დობერმანი“ მინისტრად: ინალ არძინბას პერსპექტივები და გამოწვევები
- კრიზისი ბელარუსში: როგორ გავაძლიეროთ ჩვენი მედეგობა რუსეთის სტრატეგიის წინააღმდეგ მის ახლო სამეზობლოში
- მოლდოვას გაზის კრიზისი-რუსეთის კიდევ ერთი პოლიტიკური შანტაჟი
- ბელარუსი ერთი წლის შემდეგ: დასუსტებული რეჟიმი რუსული „დაცვის“ ქვეშ
- რუსეთის საპარლამენტო არჩევნები - რა შეიძლება ითქვას რეჟიმის სტაბილურობაზე
- თალიბანი 2.0 ქაბულში: გამოწვევები და მოლოდინი რეგიონის ქვეყნებში
- შეუძლია თუ არა საქართველოს ჩინეთი რუსეთის დასაბალანსებლად გამოიყენოს?
- აფხაზეთში ახალი „პოლიტიკური ელიტის“ ჩამოყალიბება - ვინ ჩაანაცვლებს ძველ „ელიტას“?
- ჟენევის სამიტის კიბერგანზომილება
- არქტიკის გამდნარი ყინული და მზარდი საფრთხეები
- ევროპა „საზიანო გარიგების“ შედეგების მოლოდინში
- რუსეთის მიმართ ევროკავშირის საგარეო პოლიტიკის გადაფასება
- აშშ, ლიბერალური საერთაშორისო წესრიგი, 2021 წლის გამოწვევები და საქართველო
- მოლაპარაკებები ვენაში ე.წ. ბირთვულ შეთანხმებაზე: ვინ დარჩება მოგებული?!
- რას ნიშნავს აშშ-ის პრეზიდენტ ჯო ბაიდენის მიერ სომეხთა გენოციდის აღიარება?
- პოლიტიკური კრიზისი მოლდოვაში - ჩიხი გამოსავლის გარეშე
- რუსეთის ტესტი თუ ბულინგი?
- ვაქცინის დიპლომატია - ახალი შესაძლებლობა გლობალური ავტორიტარული გავლენისთვის
- ტრანსატლანტიკური ურთიერთობების გამოღვიძება ბაიდენის ადმინისტრაციის პირობებში და ახალი პერსპექტივები საქართველოსთვის
- რუსული გაზის მონოპოლიის დასასრული ბალკანეთზე
- ვის გამოუტანა განაჩენი მოსამართლემ: ნავალნის, პუტინს თუ რუსეთს?!
- ბაიდენის თავსატეხი
- 2020 აფხაზეთში: „არჩევნები“, პანდემია და მეტი ინტეგრაცია რუსეთთან
- ვლ. პუტინის ყოველწლიური დიდი პრეს-კონფერენცია - საყურადღებო გარემოებები და გზავნილები
- რუსეთის ენერგოპოლიტიკა ცხინვალის რეგიონში
- ვინ მოიგო და ვინ წააგო ყარაბაღის ომით
- რა მოიპოვა რუსეთმა ყარაბაღში
- რა წააგო და რა არ წააგო სომხეთმა ყარაბაღში ცეცხლის შეწყვეტის შესახებ ხელმოწერილი დეკლარაციის შედეგად
- ბელარუსის საპროტესტო აქციები, ლუკაშენკო და რუსეთის ფედერაცია
- რამდენიმე მოსაზრება ტერმინის „პოსტსაბჭოთა სივრცე“ გამოყენების თაობაზე
- ხაბაროვსკის საპროტესტო გამოსვლები, როგორც რუსეთის ფედერაციის სტაბილურობის ერთგვარი ინდიკატორი
- ქართულ-ამერიკული პარტნიორობის პრაგმატიზმი და იდეალიზმი
- პანდემიური პროპაგანდის ტრიო, როგორ იღებს მიზანში დასავლეთს ჩინეთი, რუსეთი და ირანი
- From Russia with love, თუ რუსეთიდან… ეშმაკური გეგმით
- „არჩევნები“ აფხაზეთში: ახალი „პრეზიდენტის“ რევანში და გამოწვევები
- ჩვენი და 1921 წლის ქართველების საერთო ბრძოლის შესახებ
- რუსეთ-თურქეთის დაპირისპირება სირიაში
- პოლიტიკური კრიზისის ანატომია ოკუპირებულ აფხაზეთში
- რას ნიშნავს გენერალ ყასემ სოლეიმანის ლიკვიდაცია?
- რას მოუტანს საქართველოს რუსეთთან დიალოგის ახალი ფორმატი?
- „რუსული კულტურის ცენტრის“ შესახებ
- რუსული პროპაგანდის მთავარი გზავნილები
- რა ვიცით რუსეთის ფედერაციისა და საქართველოს საგარეო საქმეთა მინისტრების შეხვედრის შესახებ?
- ანტისაოკუპაციო პოლიტიკის ახალი აქცენტები
- ვლადიმერ პუტინის ძირითადი გზავნილები Financial Times-თვის მიცემული ინტერვიუდან
- საქართველო და რუსეთის პოსტმოდერნისტული ფაშიზმი
- დუგინი მოგვევლინა საქართველოს გულშემატკივრად - რას უნდა ვუმადლოდეთ ამ ფაქტს?
- როგორ შევაჩეროთ რუსეთი
- ნატოს, რუსეთის და პატ ბუჩანანის შესახებ
- დღევანდელი რუსეთის რელიგიური ომები
- რას ნიშნავს აშშ-ის გასვლა სირიიდან?
- აშშ-ის შუალედური არჩევნები: შედეგები და მნიშვნელობა
- ბოლტონის ვიზიტი მოსკოვში - რას უნდა ველოდოთ აშშ-რუსეთის ურთიერთობებში?!
- ყარაბაღის კონფლიქტის განახლების რისკი სომხეთში მომხდარი ხავერდოვანი რევოლუციის შემდეგ
- სირიის იდლიბის პროვინციაში შექმნილი სიტუაცია, მხარეთა ინტერესები და საფრთხეები
- რატომ არის აუცილებელი ვიცოდეთ რომელ რიცხვში დაიწყო 2008 წლის ომი
- საქართველოს ადგილი „დასავლეთთან დაახლოების ინდექსი 2018-ში“
- რატომ არ გაამართლა ჩვენი მოლოდინი შარლევუაში (კანადა) დიდი შვიდეულის სამიტის შედეგებმა?
- როგორ მოვიგოთ ცივი ომი 2.0
- რუსეთის „ელჩის“ როტაცია აფხაზეთში
- რატომ არ გაახსენდათ დიდი შვიდეულის საგარეო საქმეთა მინისტრებს საქართველო ტორონტოში 2018 წლის 23 აპრილის შეხვედრის დროს?
- ამერიკის სტრატეგია და საქართველო
- ქალები საქართველოდან სირიის კონფლიქტში და მათი მომავალი
- პუტინის წინასაარჩევნო ეკონომიკური დაპირებები: მითი და რეალობა
- დარჩეს ჟენევა ისე, როგორც არის
- თურქეთის სამხედრო ოპერაცია აფრინში - ახალი ფაზა სირიის კონფლიქტში
- კრემლის საკადრო გადაწყვეტილებები და საქართველოს ოკუპირებული რეგიონები
- ვის ეხმარება რუსეთი?
- რუსეთიდან მომდინარე საფრთხეები და საქართველოს უსაფრთხოების სისტემა
- ევრაზიის ეკონომიკური კავშირი და რუსეთ-საქართველოს თავისუფალი ვაჭრობის შეთანხმების პრობლემები
- არის თუ არა საქართველოს ექსპორტის ზრდა მდგრადი?
- აღმოსავლეთ პარტნიორობის 2017 წლის სამიტი და მისი შედეგები
- ცხინვალის რეგიონში უსაფრთხოების სფეროზე რუსეთის გავლენა იზრდება: მხარდაჭერა სრული ინტეგრაციის სანაცვლოდ
- ერაყის ქურთისტანის საკითხი რეგიონული უსაფრთხოების კონტექსტში
- რა ელით გალელებს?
- სამხედრო ხარჯების ზრდა და რუსეთთან ურთიერთობა: აზერბაიჯანი სომხეთზე უპირატესობის მოპოვებას ცდილობს
- ხელის შეშლა და ყურადღების გაფანტვა: დასავლეთთან ურთიერთობის რუსული მეთოდოლოგია
- რუსი დიპლომატები საქართველოში - ვინ არიან ისინი, რამდენი არიან და რას საქმიანობენ?
- პუტინის ვიზიტი ოკუპირებულ აფხაზეთში: იყო კი ჩვენი რეაქცია საკმარისი?
- მისაღებია თუ არა საქართველოს ნეიტრალიტეტის გამოცხადება
- როგორ შევაჩეროთ „მცოცავი ოკუპაცია“
- კრემლის პოლიტიკა საქართველოს ოკუპირებულ რეგიონებში ახალ ეტაპზე გადადის
- სირიის სამოქალაქო ომი რეგიონული უსაფრთხოების კონტექსტში
- რუსეთის იმპერიალიზმთან ბრძოლის მეორე რაუნდი, რომლის მოგება შესაძლებელია
- საპარლამენტო არჩევნები სომხეთში - მმართველი პარტიის ტრიუმფი
- საქართველოს დღევანდელი საგარეო პოლიტიკა - რამდენად ეფექტურად უმკლავდება იგი არსებულ გამოწვევებს?
- რამდენიმე მოსაზრება „გაზპრომთან“ დადებული ხელშეკრულების თაობაზე
- ახალი რუსული შეიარაღება კავკასიაში და მისი გავლენა საქართველოს ევროატლანტიკურ მისწრაფებებზე