ლექციები და ტრენინგები

   

დაიწყო სასწავლო პროგრამა საჯარო მოხელეებისთვის

რონდელის ფონდში დაიწყო სასწავლო პროგრამა „საჯარო მოხელეთა პროფესიული შესაძლებლობების ზრდა გადაწყვეტილების მიღებასა და მოლაპარაკების წარმართვის
ტექნიკაში“, რომლის მიზანია საჯარო მოხელეების პროფესიული უნარ-ჩვევების ამაღლება პოლიტიკის შემუშავებასა და მოლაპარაკებათა წარმართვაში.

შვიდი თვის განმავლობაში მონაწილეები მიიღებენ თეორიულ და პრაქტიკულ ცოდნას საჯარო მართვის, პოლიტიკის დაგეგმვისა და ანალიზის და მოლაპარაკებათა წარმართვაში. ლექციების პარალელურად პროგრამის მონაწილეები, ფონდის მენტორების ხელმძღვანელობით, თავიანთი უწყებისთვის აქტუალურ საკითხებზე შეიმუშავებენ პოლიტიკის დოკუმენტებს, რომელთა საჯარო განხილვა გაიმართება სასწავლო პროგრამის ბოლოს. ასევე პროგრამის მონაწილეები, ევროინტეგრაციის ესტონურ გამოცდილების გაზიარების მიზნით, ტალინში გაემგზავრებიან.

პროგრამას რონდელის ფონდი ახორციელებს 2009 წლიდან შვედეთის საერთაშორისო განვითარების და თანამშრომლობის სააგენტოს (სიდა) ფინანსური მხარდაჭერითა და ესტონეთის დიპლომატიის სკოლასთან პარტნიორობით (EDK).