სიახლეები
ბოლო 24 საათი სირიაში, 27 თებერვალი
2020 / 02 / 27
ზურაბ ბატიაშვილი, რონდელის ფონდის მკვლევარი
- რუსულმა სამხედრო ავიაციამ იდლიბის პროვინციაში დაბომბა თურქული კოლონა. დაბომბვის შედეგად დაიღუპა 3 და დაიჭრა 20 თურქი სამხედრო მოსამსახურე;
- თურქეთის მიერ მხარდაჭერილმა ოპოზიციის ნაწილებმა დაიკავეს სტრატეგიულად მნიშვნელოვანი ქ. სარაქიბი, სადაც ერთდება ალეპო-დამასკოსა და ალეპო-ლატაკიის დამაკავშირებელი საავტომობილო გზები. ამგვარად, ოპოზიციამ გადაკეტა მნიშვნელოვანი სატრანსპორტო არტერია;
- ასადის რეჟიმის ძალებმა შეძლეს მნიშვნელოვანი ტერიტორიებისა და დასახლებული პუნქტების დაკავება იდლიბის პროვინციის სამხრეთ ნაწილში;
- ანკარაში გრძელდება რუსეთ-თურქეთის მოლაპარაკებები სირიის საკითხებზე. ჯერჯერობით, მოლაპარაკებებს შედეგი არ მოჰყოლია;
- ოფიციალურმა კრემლმა კიდევ ერთხელ განაცხადა, რომ რუსეთის პრეზიდენტი პუტინი არ გეგმავს შეხვედრას თურქეთის პრეზიდენტთან;
- თურქეთის პრეზიდენტ ერდოღანის განცხადებით, რუსეთისა და ირანის მხარდაჭერის გარეშე ასადის რეჟიმი მალევე დაემხობოდა. მისი სიტყვებით, თურქეთი გააგრძელებს ბრძოლას სირიაში;
- თურქული ლირა განაგრძობდა დევალვაციას. 1 აშშ დოლარის ფასი 6,17 თურქული ლირა გახდა.