რონდელის ბლოგი
ნატოს, რუსეთის და პატ ბუჩანანის შესახებ
ავტორი: დავით ბატაშვილი, რონდელის ფონდის მკვლევარი
რამდენიმე დღის წინ პატ ბუჩანანმა გამოაქვეყნა სტატია, სადაც ამტკიცებდა, რომ პრეზიდენტმა ტრამპმა ნატოს წევრობის ყველა კანდიდატურა უნდა დაბლოკოს. ცხადია, ყველა ამერიკელს აქვს უფლება გამოთქვას აზრი საკუთარი ქვეყნის საგარეო პოლიტიკის შესახებ. სამწუხარო ის არის, რომ თავის არგუმენტაციაში ბატონი ბუჩანანი იყენებს პირდაპირ სიცრუეს და ასევე ისტორიისა და ამჟამინდელი რეალობის უხეშად მცდარ ინტერპრეტაციებს.
ამ სიცრუისა და მცდარი ინტერპრეტაციების სამიზნე ვართ ჩვენ - რუსეთის ის მეზობლები, რომლებიც ვცდილობთ ჩვენი თავისუფლებისა და ფიზიკური უსაფრთხოების შენარჩუნებას მაშინ, როცა რუსეთი მიზანმიმართულად მუშაობს, რომ ეს ორივე სიკეთე წაგვართვას.
ჩვენ რთულ მდგომარეობაში ვართ. ჩვენი სუვერენიტეტის საწინააღმდეგო რუსული აქტივობები შეუჩერებლად გრძელდება, ისევე, როგორც პროპაგანდისა და დეზინფორმაციის რუსული კამპანია. დასავლეთის ყურადღების დიდ ნაწილს იპყრობს სხვა პრობლემები და სხვა რეგიონები. მოკლედ, ბატონ ბუჩანანს შეუძლია დარწმუნებული იყოს, რომ ვითარება აღმოსავლეთ ევროპაში საკმარისად რთული და სახიფათოა, მის მიერ მოსკოვის ტყუილების გამეორებისა და მხარდაჭერის გარეშეც.
ბუჩანანი ამბობს რუსეთ-საქართველოს 2008 წლის ომთან დაკავშირებით, რომ „საქართველომ შეიყვანა ჯარი სამხრეთ ოსეთში“ რუსეთის სამხედრო შემოჭრამდე. მისი თქმით, „პუტინმა უპასუხა“ ქართველებს. ეს პირდაპირ ეწინააღმდეგება სიმართლეს. მრავალ და ერთმანეთისგან განსხვავებულ წყაროში მოიპოვება მრავალი მტკიცებულება იმისა, რომ რუსული ჯარი საქართველოში შემოიჭრა სწორედაც ქართული სამხედრო ოპერაციის დაწყებამდე. რუსეთის ეს აგრესია გახდა ქართული ოპერაციის მიზეზი.
ყველასათვის, ვინც ოდნავ მაინც იცნობს საერთაშორისო სამართალს, ცხადია, რომ რუსული ჯარის შემოჭრა საქართველოში წარმოადგენდა აგრესიის აქტს და საქართველოს ჰქონდა სრული უფლება მისთვის წინააღმდეგობა გაეწია. ბატონ ბუჩანანს მიაჩნია, რომ რუსეთ-საქართველოს ომი არ იყო აშშ-ის საქმე. თუმცა, უკეთესი იქნება, მან საკუთარი აზრი ისტორიული ფაქტების უგულებელყოფისა და აგრესიის მსხვერპლის დადანაშაულების გარეშე გამოთქვას.
ბუჩანანი ასევე ამბობს, რომ საქართველოსა ან უკრაინის ნატოში გაწევრიანება უდრის რუსეთთან ომს, ქართული და უკრაინული ტერიტორიების რუსული ოკუპაციის გამო (თუმცა, იგი ერიდება სიტყვა „ოკუპაციის“ გამოყენებას, რადგან ეს ტერმინი არ უხდება მისი გზავნილის შინაარსს). მისი თქმით, თუ საქართველო შევიდოდა ნატოში, „აშშ დაუყოვნებლივ აღმოჩნდებოდა რუსეთთან კონფლიქტში“. ასევე მისი თქმით, „მიუხედავად იმისა, რამდენად ვუჭერთ ჩვენ მხარს უკრაინას, ჩვენ არ შეგვიძლია მისი ტერიტორიული მთლიანობის გამო ჩვენი ქვეყანა რუსეთთან ომში გავუშვათ“.
სინამდვილეში, საქართველოსა თუ უკრაინის ნატოში გაწევრიანება არ წარმოშობს ნატოს წევრების ვალდებულებას გამოსტაცონ რუსეთს კონტროლი მის მიერ ოკუპირებულ ტერიტორიებზე. ამის თქმა კიდევ ერთი პირდაპირი სიცრუეა. დასავლეთი გერმანია ალიანსში გაწევრიანდა 1955 წელს, როცა ქვეყნის აღმოსავლეთი ნაწილი კომუნისტური ოკუპაციის ქვეშ იყო, და არანაირად არ იგულისხმებოდა, რომ ნატოს ის უნდა გაეთავისუფლებინა. ჩრდილოატლანტიკური ხელშეკრულების მე-5 მუხლი ითვალისწინებს სამოკავშირეო ვალდებულებებს მხოლოდ ნატოს წევრზე თავდასხმის შემთხვევაში. კონფლიქტის წამოწყება არ წარმოადგენს ნატოს წევრების ვალდებულებას, თუნდაც წევრი სახელმწიფოს ოკუპირებული ტერიტორიის გასათავისუფლებლად.
რაც შეეხება მცდარ ინტერპრეტაციებს, ბუჩანანის სტატია რამდენიმეს შეიცავს. მათ შორის, ავტორი დღევანდელ მოვლენებთან დაკავშირებით ამბობს, რომ „ცივი ომის პერიოდის არცერთ პრეზიდენტს, ტრუმენიდან ჯორჯ ბუშ-უფროსამდე, არც კი დაესიზმრებოდა“ ომში ჩართვა უკრაინის ტერიტორიული მთლიანობის გამო. მართალია, არავინ ამბობს, რომ დღეს აშშ-მა ეს უნდა გააკეთოს, ცივი ომის ამგვარად ხსენება ძალიან უცნაურია. ცივი ომის დროს უკრაინა იყო საბჭოთა კავშირის ნაწილი. დიახ, ცხადია, ამერიკის პრეზიდენტებს „არც კი დაესიზმრებოდათ“ სსრკ-ის ტერიტორიაზე შეჭრა. ოღონდ, ცივი ომის დროსგან განსხვავებით, დღეს უკრაინა სუვერენული სახელმწიფოა, რაც ბატონი ბუჩანანის ამ ფრაზას უკიდურესად არარელევანტურს ხდის.
კიდევ ერთი არარელევანტური გამონათქვამი, რომელსაც ბუჩანანი დღევანდელი პოლიტიკის ადვოკატირებისთვის იყენებს: „პირველი ბუში ფიქრობდა, რომ უკრაინა რუსეთზე მიბმული უნდა დარჩენილიყო და რომ უკრაინული დამოუკიდებლობის მოძრაობა წარმოიშვა თვითმკვლელი ნაციონალიზმისგან“. იმ შემთხვევაშიც, თუ ბუშ-უფროსს მართლაც არ სურდა საბჭოთა კავშირის ბოლომდე დეზინტეგრაცია, ეს იმპერია მაინც დაიშალა, მიუხედავად იმისა, რას ფიქრობდა ამის შესახებ პრეზიდენტი ბუში ან სხვა ვინმე. რაც შეეხება უკრაინის დამოუკიდებლობას, შესაძლოა, 1991 წელს ატლანტის ოკეანის მეორე მხრიდან მისი სამომავლო ბედი ძალიან ცხადად არ ჩანდა. თუმცა, 2019 წელს სრულიად აშკარაა, რომ უკრაინამ განავითარა ძლიერი ეროვნული იდენტობა, რომელსაც ის იცავს, და დაიცავს კიდეც, იარაღით ხელში.
საქართველოს ნატოში პოტენციური გაწევრიანების შედეგები, ბუჩანანის აზრით, დაემგვანება „1938 და 1939 წლების შეტაკებებს სუდეტების და დანციგის გამო, რამაც პირდაპირ გამოიწვია მეორე მსოფლიო ომი“. სუდეტები მართლაც არის ძლიერი მაგალითი, ოღონდ არა ბატონი ბუჩანანისთვის მომგებიანი კუთხით. სუდეტების კრიზისის დროს დასავლურმა სახელმწიფოებმა უარი თქვეს შეეჩერებინათ აგრესორი და ბედის ანაბარა მიატოვეს მსხვერპლი ქვეყანა - ჩეხოსლოვაკია. მათ გააკეთეს ზუსტად ის, რასაც ბატონი ბუჩანანი ასე თავგამოდებით უჭერს მხარს რუსეთის გასაჭირში მყოფ მეზობლებთან დაკავშირებით. 1930-იან წლებში ამ მიდგომამ არც ისე კარგად იმუშავა.
ცივი ომის კიდევ ერთი ხსენება: „ორი ათწლეულის მანძილზე ნატოში მიღებული არცერთი ქვეყანა არ იყო მიჩნეული რუსეთთან ომის ღირსად ცივი ომის პერიოდის რომელიმე ამერიკელი პრეზიდენტის მიერ“. ეს ნამდვილად ასეა, რადგან ცივი ომის დროს ეს ქვეყნები იყვნენ ან სსრკ-ის, ან მისი გავლენის სფეროს ნაწილი (ალბანეთი, მონტენეგრო, სლოვენია და ხორვატია, კომუნისტური მმართველობის მიუხედავად, საბჭოთა სფეროს მიღმა იყვნენ, მაგრამ ეს უკვე სხვა ისტორიაა). ცივი ომის დროს მათთან დაკავშირებით აქტიური მოქმედება აშშ-ისთვის შეტევაზე გადასვლას ნიშნავდა, რაც არ იყო მიზანშეწონილად მიჩნეული. მაგრამ დღეს ეს სახელმწიფოები არიან სუვერენული და სრულად აკონტროლებენ თავის საგარეო პოლიტიკას. ისინი არ შედიან რუსეთში ან მისი გავლენის სფეროში. კონფლიქტის შემთხვევაში, სწორედ რუსეთი იქნებოდა შეტევაში, და არა ამერიკა. ამგვარად, ბატონი ბუჩანანი თავის არგუმენტაციაში კვლავ იყენებს ისტორიული რეალობის მცდარ ინტერპრეტირებას.
თავისი სტატიის დასასრულს ბატონმა ბუჩანანმა „რუსეთის წინა ეზო“ უწოდა ქვეყნებს, რომლებიც ცდილობენ მოსკოვის ამბიციებისგან საკუთარი თავისუფლების დაცვას. ბუჩანანის მიერ ჩვენი ქვეყნების სუვერენიტეტის, ეროვნული იდენტობისა და ნების სრული უგულებელყოფა, გარდა იმისა, რომ შეურაცხმყოფელია, ასევე სრულიად არარეალისტურ მიდგომას წარმოადგენს. არავინ დაემორჩილება რუსეთს ბრძოლის გარეშე. მისი იმპერიული ამბიციები ვერ შესრულდება ისე, რომ მანამდე ჩვენი აქტიური წინააღმდეგობის დაძლევა არ მოუწიოს. ხსენებული ეროვნული იდენტობა და ეროვნული ნება არსებობს და არსად გაქრება.
ამ კონფრონტაციის კონტექსტში, ამერიკის მიერ ჩვენი რეგიონის ჰიპოთეტური მიტოვება არ გააუმჯობესებდა ვითარებას. ის მას ბევრად, ბევრად გააუარესებდა. ამით გათამამებული რუსეთი კიდევ უფრო აგრესიულად იმოქმედებდა, რაც გამოიწვევდა ახალ კრიზისებს, კიდევ უფრო სერიოზულს, ვიდრე 2008 და 2014 წლებში. ცხადია, ბატონ ბუჩანანს შეუძლია სხვაგვარად იფიქროს. მაგრამ კარგი იქნებოდა, საკუთარი აზრი გამოეთქვა რეალობის დამახინჯებისა და პირდაპირი სიცრუის გავრცელების გარეშე.
თემატური პოსტები
- ბლოგი მალე დაემატება
- ნატოს სამიტი ვილნიუსში: შედეგები და სამომავლო პერსპექტივები
- რუსეთ-საქართველოს შორის ოკუპირებული აფხაზეთის გავლით სარკინიგზო მიმოსვლის აღდგენის მოსალოდნელი პოლიტიკური შედეგები
- ოკუპირებული აფხაზეთი და ცხინვალის რეგიონი: ვაჭრობის „ლეგალიზაცია“ და რუსეთის სატრანზიტო დერეფნის პერსპექტივები
- იგებს თუ არა უკრაინა ომს და რა გათვლა შეიძლება ჰქონდეს რუსეთს?
- რუსეთის დიპლომატიური იერიში აფრიკაში
- რუსეთის საგარეო პოლიტიკის ახალი კონცეფცია და საქართველოს ოკუპირებული რეგიონები
- სანქციების მეათე პაკეტი - რუსული აგრესიის ერთი წელი
- ჩინეთ-რუსეთის ურთიერთობის დინამიკა რუსეთ-უკრაინის ომის ფონზე
- რუსეთ-უკრაინის ომი და რუსეთის გრძელვადიანი სტრატეგიული ინტერესები
- ფრენების აღდგენა რუსეთთან – პოტენციური შედეგები საქართველოსთვის
- ჰიბრიდული ომი რუსული წესებით და უკრაინის რეზისტენტობა
- მოლდოვის გამოწვევები უკრაინაში ომის ფონზე
- ცვლის თუ არა ისრაელის ახალი მთავრობა ამ ქვეყნის პოლიტიკას რუსეთ-უკრაინის ომის მიმართ?
- რა სურს რუსეთს საქართველოსგან?
- სანქციების მეცხრე პაკეტი - რუსული ესკალაციისა და სარაკეტო იერიშების საპასუხოდ
- საფრთხე, რომელიც რუსეთ-უკრაინის ომის შემდეგ შეიძლება დაემუქროს რუსეთის მეზობლებს
- რისთვის ემზადება ბელარუსი
- ბელარუსის და რუსეთის მიერ ოკუპირებულ აფხაზეთთან სავაჭრო-ეკონომიკური ურთიერთობების გაღრმავება: „აფხაზეთის დამოუკიდებლობის“ აღიარების წინაპირობა?
- „მიტაცებული ემოციები“ - რუსული პროპაგანდა
- სანქციების მერვე პაკეტი - პასუხი რუსულ ანექსიასა და უკანონო რეფერენდუმებზე
- რა ელის იტალიის საგარეო პოლიტიკას ჯორჯია მელონის გამარჯვების შემდეგ?
- სანქციების მეშვიდე პაკეტი და ემბარგო რუსულ ოქროზე
- ცხინვალის არშემდგარი რეფერენდუმი
- ომი და საქართველო
- „რურალური ორბანიზმი“ - პოლარიზაცია, როგორც უნგრეთის პოლიტიკური მომავლის განმსაზღვრელი ფაქტორი
- არალეგიტიმური საპრეზიდენტო არჩევნები ცხინვალის რეგიონში: რატომ წააგო ბიბილოვმა და რა იქნება ბიბილოვის შემდეგ?
- ომი უკრაინაში და გაერთიანებული სამეფოს ახალი როლი აღმოსავლეთ ევროპაში
- რას მოუტანს სამხრეთ კავკასიას ეუთოს მინსკის ჯგუფის გაუქმება?
- რატომ გააქტიურდა აფხაზური მხარე სოციალურ ქსელებში?
- რატომ არ მოსწონს პუტინს ნეიტრალური უკრაინა? (უკრაინის ნეიტრალური სტატუსი აქტუალური ხდება - რას ნიშნავს ეს პუტინისთვის?)
- ევროპის ენერგომომავალი - გამოწვევები და შესაძლებლობები
- მასობრივი უკონტროლო მიგრაცია და საქართველოს ხელისუფლების პოზიცია
- რა ცვლილებები მოხდა პუტინის რეჟიმის პროპაგანდის ნარატივებში უკრაინაში რუსეთის შეჭრიდან დღემდე
- როგორია თურქეთის პოზიციები და ქმედებები რუსეთ-უკრაინის ომში
- ნატოს შესაძლო გაფართოება ჩრდილოეთ ევროპაში და მისი მნიშვნელობა საქართველოსა და უკრაინისთვის
- პეკინის ზამთრის პოლიტიკური ოლიმპიადა
- რა დგას პუტინის უკრაინაში გამბიტის უკან?
- L'Europe pourra-t-elle éviter le “déjà vu” ? (საფრანგეთი, ევროკავშირის საბჭოს თავმჯდომარე და დაძაბულობა აღმოსავლეთ ევროპაში)
- აშშ-რუსეთის ურთიერთობები და უკრაინის საკითხი
- რამზან კადიროვის რეჟიმის ახალი სამიზნეები
- რა გავლენას მოახდენს მერკელის პოლიტიკიდან წასვლა ევროკავშირის პოლიტიკაზე რუსეთისა და აღმოსავლეთის სამეზობლოს მიმართ?
- რა დგას საქართველოსა და უნგრეთის მთავრობების მზარდი თანამშრომლობის უკან
- „დობერმანი“ მინისტრად: ინალ არძინბას პერსპექტივები და გამოწვევები
- კრიზისი ბელარუსში: როგორ გავაძლიეროთ ჩვენი მედეგობა რუსეთის სტრატეგიის წინააღმდეგ მის ახლო სამეზობლოში
- მოლდოვას გაზის კრიზისი-რუსეთის კიდევ ერთი პოლიტიკური შანტაჟი
- ბელარუსი ერთი წლის შემდეგ: დასუსტებული რეჟიმი რუსული „დაცვის“ ქვეშ
- რუსეთის საპარლამენტო არჩევნები - რა შეიძლება ითქვას რეჟიმის სტაბილურობაზე
- შეუძლია თუ არა საქართველოს ჩინეთი რუსეთის დასაბალანსებლად გამოიყენოს?
- აფხაზეთში ახალი „პოლიტიკური ელიტის“ ჩამოყალიბება - ვინ ჩაანაცვლებს ძველ „ელიტას“?
- ჟენევის სამიტის კიბერგანზომილება
- არქტიკის გამდნარი ყინული და მზარდი საფრთხეები
- ევროპა „საზიანო გარიგების“ შედეგების მოლოდინში
- რას უნდა ველოდოთ ნატოს სამიტისგან
- აფხაზეთისა და სამაჩაბლოს საკითხი ნატოსა და ევროკავშირში გაწევრიანების კონტექსტში
- რუსეთის მიმართ ევროკავშირის საგარეო პოლიტიკის გადაფასება
- აშშ, ლიბერალური საერთაშორისო წესრიგი, 2021 წლის გამოწვევები და საქართველო
- პოლიტიკური კრიზისი მოლდოვაში - ჩიხი გამოსავლის გარეშე
- რუსეთის ტესტი თუ ბულინგი?
- ვაქცინის დიპლომატია - ახალი შესაძლებლობა გლობალური ავტორიტარული გავლენისთვის
- რუსული გაზის მონოპოლიის დასასრული ბალკანეთზე
- ვის გამოუტანა განაჩენი მოსამართლემ: ნავალნის, პუტინს თუ რუსეთს?!
- 2020 აფხაზეთში: „არჩევნები“, პანდემია და მეტი ინტეგრაცია რუსეთთან
- ვლ. პუტინის ყოველწლიური დიდი პრეს-კონფერენცია - საყურადღებო გარემოებები და გზავნილები
- რუსეთის ენერგოპოლიტიკა ცხინვალის რეგიონში
- ვინ მოიგო და ვინ წააგო ყარაბაღის ომით
- რა მოიპოვა რუსეთმა ყარაბაღში
- რა წააგო და რა არ წააგო სომხეთმა ყარაბაღში ცეცხლის შეწყვეტის შესახებ ხელმოწერილი დეკლარაციის შედეგად
- ბელარუსის საპროტესტო აქციები, ლუკაშენკო და რუსეთის ფედერაცია
- რამდენიმე მოსაზრება ტერმინის „პოსტსაბჭოთა სივრცე“ გამოყენების თაობაზე
- ხაბაროვსკის საპროტესტო გამოსვლები, როგორც რუსეთის ფედერაციის სტაბილურობის ერთგვარი ინდიკატორი
- პანდემიური პროპაგანდის ტრიო, როგორ იღებს მიზანში დასავლეთს ჩინეთი, რუსეთი და ირანი
- From Russia with love, თუ რუსეთიდან… ეშმაკური გეგმით
- „არჩევნები“ აფხაზეთში: ახალი „პრეზიდენტის“ რევანში და გამოწვევები
- ჩვენი და 1921 წლის ქართველების საერთო ბრძოლის შესახებ
- ქართული თავდაცვა - პოლიტიკური პარადოქსი და უსისტემობის მოჯადოებული წრე
- რუსეთ-თურქეთის დაპირისპირება სირიაში
- პოლიტიკური კრიზისის ანატომია ოკუპირებულ აფხაზეთში
- რას ნიშნავს გენერალ ყასემ სოლეიმანის ლიკვიდაცია?
- რას მოუტანს საქართველოს რუსეთთან დიალოგის ახალი ფორმატი?
- „რუსული კულტურის ცენტრის“ შესახებ
- რუსული პროპაგანდის მთავარი გზავნილები
- რა ვიცით რუსეთის ფედერაციისა და საქართველოს საგარეო საქმეთა მინისტრების შეხვედრის შესახებ?
- რა კავშირია ნატოსა და აფხაზეთის დაბრუნებას შორის?
- ანტისაოკუპაციო პოლიტიკის ახალი აქცენტები
- ვლადიმერ პუტინის ძირითადი გზავნილები Financial Times-თვის მიცემული ინტერვიუდან
- საქართველო და რუსეთის პოსტმოდერნისტული ფაშიზმი
- დუგინი მოგვევლინა საქართველოს გულშემატკივრად - რას უნდა ვუმადლოდეთ ამ ფაქტს?
- როგორ შევაჩეროთ რუსეთი
- დღევანდელი რუსეთის რელიგიური ომები
- ბოლტონის ვიზიტი მოსკოვში - რას უნდა ველოდოთ აშშ-რუსეთის ურთიერთობებში?!
- ყარაბაღის კონფლიქტის განახლების რისკი სომხეთში მომხდარი ხავერდოვანი რევოლუციის შემდეგ
- სირიის იდლიბის პროვინციაში შექმნილი სიტუაცია, მხარეთა ინტერესები და საფრთხეები
- ჰელსინკის სამიტი და მისი ძირითადი შედეგები
- რატომ არის აუცილებელი ვიცოდეთ რომელ რიცხვში დაიწყო 2008 წლის ომი
- საქართველოს ადგილი „დასავლეთთან დაახლოების ინდექსი 2018-ში“
- რატომ არ გაამართლა ჩვენი მოლოდინი შარლევუაში (კანადა) დიდი შვიდეულის სამიტის შედეგებმა?
- როგორ მოვიგოთ ცივი ომი 2.0
- ბენ ჰოჯესის მოდელი - საქართველოს ნატო-ში გაწევრიანების რეალური გზა
- რუსეთის „ელჩის“ როტაცია აფხაზეთში
- რატომ არ გაახსენდათ დიდი შვიდეულის საგარეო საქმეთა მინისტრებს საქართველო ტორონტოში 2018 წლის 23 აპრილის შეხვედრის დროს?
- ამერიკის სტრატეგია და საქართველო
- პუტინის წინასაარჩევნო ეკონომიკური დაპირებები: მითი და რეალობა
- დარჩეს ჟენევა ისე, როგორც არის
- თურქეთის სამხედრო ოპერაცია აფრინში - ახალი ფაზა სირიის კონფლიქტში
- კრემლის საკადრო გადაწყვეტილებები და საქართველოს ოკუპირებული რეგიონები
- ვის ეხმარება რუსეთი?
- რუსეთიდან მომდინარე საფრთხეები და საქართველოს უსაფრთხოების სისტემა
- ევრაზიის ეკონომიკური კავშირი და რუსეთ-საქართველოს თავისუფალი ვაჭრობის შეთანხმების პრობლემები
- არის თუ არა საქართველოს ექსპორტის ზრდა მდგრადი?
- ცხინვალის რეგიონში უსაფრთხოების სფეროზე რუსეთის გავლენა იზრდება: მხარდაჭერა სრული ინტეგრაციის სანაცვლოდ
- რა ელით გალელებს?
- სამხედრო ხარჯების ზრდა და რუსეთთან ურთიერთობა: აზერბაიჯანი სომხეთზე უპირატესობის მოპოვებას ცდილობს
- ხელის შეშლა და ყურადღების გაფანტვა: დასავლეთთან ურთიერთობის რუსული მეთოდოლოგია
- რუსი დიპლომატები საქართველოში - ვინ არიან ისინი, რამდენი არიან და რას საქმიანობენ?
- პუტინის ვიზიტი ოკუპირებულ აფხაზეთში: იყო კი ჩვენი რეაქცია საკმარისი?
- მისაღებია თუ არა საქართველოს ნეიტრალიტეტის გამოცხადება
- როგორ შევაჩეროთ „მცოცავი ოკუპაცია“
- კრემლის პოლიტიკა საქართველოს ოკუპირებულ რეგიონებში ახალ ეტაპზე გადადის
- სირიის სამოქალაქო ომი რეგიონული უსაფრთხოების კონტექსტში
- რუსეთის იმპერიალიზმთან ბრძოლის მეორე რაუნდი, რომლის მოგება შესაძლებელია
- თურქეთის საშინაო და საგარეო პოლიტიკა რეგიონული უსაფრთხოების კონტექსტში
- საპარლამენტო არჩევნები სომხეთში - მმართველი პარტიის ტრიუმფი
- საქართველოს დღევანდელი საგარეო პოლიტიკა - რამდენად ეფექტურად უმკლავდება იგი არსებულ გამოწვევებს?
- სამხედრო სიძლიერე - ის რაც სჭირდება ნატო-ს პარტნიორებისგან
- რამდენიმე მოსაზრება „გაზპრომთან“ დადებული ხელშეკრულების თაობაზე
- ახალი რუსული შეიარაღება კავკასიაში და მისი გავლენა საქართველოს ევროატლანტიკურ მისწრაფებებზე