რონდელის ბლოგი
როგორ შევაჩეროთ რუსეთი
ავტორი: ირინა არაბიძე, საერთაშორისო ურთიერთობების მკვლევარი
ბოლო ორი კვირაა ისმის განცხადებები საქართველოს თავდაცვის ხარჯების შემცირების აუცილებლობაზე, ამერიკის ბაზების პროვოკაციულობასა და ნეიტრალიტეტის გამოცხადებაზეც კი. მიუხედავად იმისა, რომ ბოლო კვლევებით ევროატლანტიკურ სტრუქტურებში ინტეგრაციის მხარდაჭერა გაზრდილია, საგარეო-პოლიტიკური კონსენსუსი ქვეყანაში აღარ არის უპირობო მოცემულობა. ამ დისკუსიის ფონზე, მნიშვნელოვანია გავერკვეთ, რატომ არის ეს განცხადებები საზიანო, როგორ ვებრძოლოთ ჩვენზე ძლიერ მოწინააღმდეგეს და რა დაბრკოლებები და შესაძლებლობები გვაქვს.
რა გზა არსებობს შენზე ძლიერ მოწინააღმდეგესთან საბრძოლველად? სახელმწიფოებს სამი გზით შეუძლიათ მოიპოვონ უსაფრთხოება: გააძლიერონ საკუთარი სამხედრო პოტენციალი, შეიძინონ ძლიერი მოკავშირეები ან, საუკეთესო შემთხვევაში, ხელი მიუწვდებოდეთ ორივეზე. მცირე სახელმწიფოებს უსაფრთხოების უზრუნველსაყოფად ხშირად ორივე სჭირდებათ, რადგან კარგად გაწვრთნილი ჯარი და რეზერვი შემაკავებელ ფუნქციას ასრულებს, ხოლო ძლიერი მეგობრები მოწინააღმდეგესთან ძალთა ბალანსს ათანაბრებენ.
რა არის საქართველოს მოცემულობა? რუსეთის ფედერაციის სახით გვყავს ჩვენზე ბევრად ძლიერი მოწინააღმდეგე, რომლის მიზანია აღადგინოს დაკარგული გავლენა სამეზობლოზე. საქართველოს შემთხვევაში რუსეთი ამას სამხედრო, პოლიტიკური და ეკონომიკური ბერკეტების სრული სპექტრის გამოყენებით ცდილობს. მათ შორის - ომით, ტერიტორიების მიტაცებით და ქვეყანაში სამხედრო ბაზებისა და ტექნიკის უკანონო განთავსებით.
უსაფრთხოების არსებულ რთულ გარემოში რა არჩევანი გვაქვს ჩვენი პოზიციების გასაუმჯობესებლად? არსებობს ორი გზა: აუცილებელია მნიშვნელოვნად გავაძლიეროთ ჩვენი სამხედრო პოტენციალი და ვეძებოთ ძლიერი მოკავშირეები. ამ ალტერნატივების საპირისპიროდ, ზოგი მიიჩნევს, რომ ტერიტორიული მთლიანობის აღსადგენად და ომის თავიდან ასაცილებლად რუსეთთან დათმობაზე უნდა წავიდეთ. ამ იდეას ნეიტრალიტეტის და მიუმხრობლობის ცნებებით ნიღბავენ, მაგრამ, რეალურად, ეს ცივი ომის დროინდელი „ფინლანდიზაციის“ კონცეფციაა. ამ მოდელის მიხედვით, უნდა დავთმოთ დამოუკიდებელი საგარეო პოლიტიკა. შესაბამისად, უარი უნდა ვთქვათ ნატოსა და ევროკავშირში ინტეგრაციაზე. სანაცვლოდ, რუსეთისგან იმას მივიღებთ, რომ არ დაგვიპყრობს და ნომინალურ სუვერენიტეტს და ცარიელ მშვიდობას შევინარჩუნებთ.
რეალურად, საქართველოს მიერ ნეიტრალიტეტის გამოცხადება კაპიტულაციას ნიშნავს. ნეიტრალიტეტის გამოცხადება შეუძლებელია იმ პირობებში, როდესაც რუსეთი საქართველოს დამოუკიდებლობას და სუვერენიტეტს ებრძვის და არ აპირებს ნეიტრალური დარჩეს ამ დაპირისპირებაში. მარტივად რომ ვთქვათ, რუსეთი ჩვენ მიმართ აღებულ ვალდებულებებს არ შეასრულებს. თუ ჩვენი უსაფრთხოების გარანტი დასავლეთი არ იქნება, რუსეთს არაფერი აიძულებს აგრესიულ პოლიტიკაზე უარი თქვას. ცივი ომის დროინდელი ფინეთის მაგალითიც გვიჩვენებს, რომ რუსეთი არათუ თავს იკავებდა, არამედ გამუდმებით აგრესიულად ერეოდა ფინეთის საშინაო საქმეებში. რუსეთის მიერ შეუსრულებელი შეთანხმებების თანამედროვე მაგალითებიც ბევრი გვაქვს. 2008 წლის აგვისტოს ომის ექვსპუნქტიანი შეთანხმება მხოლოდ ერთ-ერთი მათგანია.
ამასთან, მნიშნველოვანია გვესმოდეს, რომ რუსეთის ინტერესებში არ შედის ოკუპირებული ტერიტორიების საქართველოსთვის დაბრუნება. მოლდოვამ, მაგალითად, 1994 წელს გამოცხადებული ნეიტრალიტეტის მიუხედავად, ჯერაც ვერ დაიბრუნა დნესტრისპირეთი. რუსეთი ებრძვის თავის საზღვრებთან ერთიანი, ძლიერი და განვითარებული სახელმწიფოების არსებობას, რადგან ასეთ სახელმწიფოებს ადვილად ვერ მართავს. შესაბამისად, დაპირება, რომ ჩვენი საგარეო-პოლიტიკური კურსიდან გადახვევის სანაცვლოდ შევძლებთ გავმთლიანდეთ და განვითარების სწრაფი ტემპით ვიაროთ, რეალობას არ შეესაბამება.
თუ ჩვენივე ინიციატივით ვიტყვით დასავლეთზე უარს, რუსეთი კიდევ უფრო გამალებით ჩაერევა საქართველოს საშინაო პოლიტიკაში და შედეგად დავკარგავთ განვითარების იმ შანსსაც რომელსაც დასავლეთთან დაახლოება გვაძლევს. ევროატლანტიკურ სტრუქტურებში ინტეგრაციის წინაპირობაა ღია და დემოკრატიული მმართველობის სისტემაზე გადასვლა. დასავლეთისკენ სწრაფვა „გვაიძულებს“ შევქმნათ ძლიერი და ეკონომიკურად განვითარებული სახელმწიფო, სადაც მთავარ ღირებულებას წარმოადგენს ადამიანი. ასეთ ქვეყანაში გარანტირებული გვექნება სიტყვის, რწმენის და ღირსეული ცხოვრების უფლება. ამ გზის ალტერნატივა უკუსვლა და ეკონომიკურად და პოლიტიკურად მოწყვლად საქართველოში დარჩენაა. შესაბამისად, თუ შედეგებს გავიაზრებთ, საკუთარი ნებით რუსეთთან მიტმასვნა ირაციონალური არჩევანია.
ყოველივე ზემოაღნიშნულიდან გამომდინარე, გარდა ძლიერი სამხედრო ძალისა, რუსეთის შესაკავებლად გვჭრდება ისეთი მოკავშირეები, რომლებიც ქვეყნისთვის ანგარიშგასაწევ ძალას წარმოადგენენ.
რა გვიშლის ხელს დასავლეთთან დაახლოებას? ამ კითხვაზე პასუხი ორ ნაწილად უნდა გავყოთ. პირველი - რატომ ყოყმანობს დასავლეთი საქართველოს ჩართვაზე მის მიერ შექმნილ უსაფრთხოების სისტემაში და მეორე, რა დაბრკოლებები უნდა გადავლახოთ ჩვენ თვითონ.
რატომ ფრთხილობს დასავლეთი?
ამ კითხვაზე პასუხის გასაცემად მნიშვნელოვანია თავისუფალი სამყაროს ლიდერის, ამერიკის შეერთებული შტატების საგარეო-პოლიტიკურ ხედვაში გავერკვეთ. ამერიკა მსოფლიოს უძლიერესი სახელმწიფოა. დღევანდელი მდგომარეობით, არც ერთ სხვა ქვეყანას არ შესწევს ძალა მსოფლიოს ნებისმიერ წერტილში მოახდინოს ძალის პროექცია და არ გააჩნია ალიანსების და მოკავშირეების ასეთი სრულყოფილი სისტემა. მიუხედავად ამ მოცემულობისა, ამერიკის წინაშე არსებული საფრთხეების ფონზე, ქვეყანაში აქტიურად კამათობენ, თუ რა არის ამერიკის სტრატეგიული საგარეო პოლიტიკური ინტერესები და რა რეგიონების დასაცავად ღირს ამერიკის სამხედრო ძალის და რესურსების გამოყენება.
ამ დისკუსიის ფართო კონტექსტში დასანახად ავტორი ვოლტერ რასელ მიდი ამერიკის საგარეო-პოლიტიკური ხედვის ოთხ ძირითად მიმართულებას გვთავაზობს. ესენი ჰამილტონის, უილსონის, ჯეფერსონის და ჯექსონის საგარეო-პოლიტიკურ სკოლებად წოდებული მიმართულებებია. თითოეული სკოლა განსხვავებულად ხედავს ამერიკის სასიცოცხლოდ მნიშვნელოვან სახელმწიფო ინტერესებს და ამერიკის მსოფლიოში ჩართულობის ერთგვარი გზამკვლევია.
ჰამილტონის სკოლის მიმდევრები ამერიკის წამყვან პრიორიტეტებად მიიჩნევენ ქვეყნის შიგნით სტაბილური საბაზრო ეკონომიკის განვითარებას და საგარეო ვაჭრობის ხელშეწყობას. ამ სკოლის აზრით, გლობალური გავლენა ეკონომიკური ურთიერთობების გაღრმავებას და მათ დაცვას უნდა ემსახურებოდეს. ალექსანდერ ჰამილტონი, როგორც ამერიკის პირველი ფინანსთა მინისტრი, ქვეყნის ფინანსური სისტემის ფუძემდებლად ითვლება და ეს სკოლაც ამერიკის, როგორც ეკონომიკური ლიდერის, იდეის გარშემო ტრიალებს. ჰამილტონიანელები ამერიკის ეროვნული ინტერესების გასატარებლად საერთაშორისო ორგანიზაციების გვერდის ავლით დამოუკიდებლად მოქმედებას არ ერიდებიან. მაგალითად, ამერიკის ყოფილი პრეზიდენტის ჯორჯ ბუშ უფროსის მმართველობის სტილს ხშირად ჰამილტონის სკოლის შეხედულებებთან აიგივებენ.
უილსონის სკოლის მიმდევრებს სწამთ, რომ ამერიკას მსოფლიოში განსაკუთრებული როლი აქვს და საერთაშორისო ინსტიტუტების მეშვეობით მშვიდობის მხარდაჭერის იდეით ხელმძღვანელობენ. ამ სკოლას მიაჩნია, რომ დემოკრატიისა და ამერიკული ღირებულებების მსოფლიოში გავრცელებით ქვეყანა თავის მორალურ და ეროვნულ ინტერსებს ერთობლივად ემსახურება და ძირითადად საერთაშორისო ორგანიზაციების მეშვეობით მოქმედებს. ვუდრო უილსონი ამერიკის ისტორიაში ერთ-ერთ ყველაზე იდეალისტ პრეზიდენტად მიიჩნევა, რომლის სახელსაც, პირველი მსოფლიო ომის შემდეგ ერთა ლიგის შექმნა უკავშირდება. თანამედროვე კონტექსტში ამერიკის ყოფილ პრეზიდენტებს ჯიმი კარტერსა და ბარაკ ობამას უილსონის სკოლის მიმდევრებად მოიაზრებენ ხოლმე.
ჯეფერსონის სკოლა, რომელიც ამერიკის მესამე პრეზიდენტის - ტომას ჯეფერსონის სახელს ატარებს, უპირატესობას ანიჭებს დემოკრატიის დაცვას ამერიკის შიგნით და განსაკუთრებით ერიდება ამერიკამ აიღოს ისეთი საერთაშორისო ვალდებულებები, რომლებსაც ქვეყანა ან არ, ან ვერ შეასრულებს. შესაბამისად, ეს სკოლა განსაკუთრებით კრიტიკულად უყურებს ინტერვენციონიზმს და მიიცნევს, რომ საზღვარგარეთ სამხედრო აქტიურობა ამერიკის დემოკრატიულ სისტემას აზიანებს. ლიბერტარიანელები და სოციალისტები ხშირად ჯეფერსონის სკოლის იდეების გარშემო ერთიანდებიან. მაგალითად, ამ სკოლასთან ახლოს არიან ამერიკის პრეზიდენტობის ყოფილი კანდიდატები ბერნი სანდერსი, რონ და რენდ პოლები და ნიუ-იორკის დემოკრატი კონგრესმენი ალექსანდრია ოკასიო კორტესი.
ჯექსონის სკოლის წარმომადგენლებისთვის ეროვნულ ინტერესებს და ამერიკის უსაფრთხოებას წამყვანი მნიშვნელობა აქვს და ამერიკის სამხედრო ძალა ამ ინტერესების დაცვის მთავარი დასაყრდენია. ეს სკოლა ამერიკის მეშვიდე პრეზიდენტის - ენდრიუ ჯექსონის სახელს ატარებს. ამ იდეების მიმდევრები ინტერვენციას გაურბიან, მაგრამ თუ ეროვნული ინტერესები საფრთხეშია, გამარჯვება მათთვის ერთადერთი ალტერნატივაა. ჯექსონის სკოლა საერთაშორისო ინსტიტუტების მეშვეობით მოქმედების ნაცვლად, დამოუკიდებელ გადაწყვეტილებებს და ქვეყნის ინტერესების დასაცავად მტკიცე სამხედრო პასუხს არ ერიდება. როგორც ავტორი ვოლტერ რასელ მიდი აღწერს, ამერიკაზე თავდასხმა ამ სკოლისთვის კრაზანის ბუდისთვის ფეხის დაბიჯების ტოლფასია და რეაქციაც შესაბამისია. ამერიკის ყოფილ პრეზიდენტებს ფრანკლინ დელანო რუზველტს, რონალდ რეიგანს და ჯორჯ ბუშ უმცროსს ხშირად ჯექსონის სკოლის მიმდევარ პრეზიდენტებად მოიხსენიებენ.
ამ განსხვავებული საგარეო-პოლიტიკური ხედვების ავკარგიანობაზე კამათი დღესაც არ წყდება და ის, თუ რომელი სკოლის წარმომადგენლები დომინირებენ ამერიკაში გადაწყვეტილების მიმღებთა რიგებში, კრიტიკულ გავლენას ახდენს მსოფლიო წესრიგზე. აქვე უნდა აღვნიშნოთ, რომ ამერიკის პრეზიდენტებში მხოლოდ ერთი სკოლა იშვიათად ლიდერობს, და თუ ისტორიას გადავხედავთ, ამერიკის საგარეო-პოლიტიკური კურსი ხშირად ოთხივე სკოლის ნაზავია. მიუხედავად ამისა, უაღესად მნიშვნელოვანია, თუ რომელი იდეების ერთობლიობაა წამყვანი.
როგორც უოლტერ რასელ მიდის საგარეო-პოლიტიკური სკოლების ანალიზი გვიჩვენებს, ამერიკაში მოსაზრებათა მუდმივი ჭიდილია საერთაშორისო წესრიგის დაცვასა და ამერიკის ეროვნულ ინტერესებს შორის. მსოფლიო პოლიციელობა ამერიკისთვის დიდი ტვირთია და ქვეყანაში ბევრი გადაწყვეტილების მიმღები უკმაყოფილოა, რომ ამერიკის მიერ შექმნილი მსოფლიო წესრიგით „უბილეთო მგზავრები“ (free riders) სარგებლობენ. ევროპის მაგალითზე, განსაკუთრებულ გაღიზიანებას იწვევს ევროპის ქვეყნების თავდაცვის დაბალი ხარჯები, რუსეთთან გაზსადენების მშენებლობა და ირანთან და ჩინეთთან ამერიკის ძალისხმევისთვის ზურგის შექცევა. ამ კონტექსტში, საქართველოს მსგავსი სახელმწიფოების ამერიკის უსაფრთხოების სისტემაზე მიბმა დამატებით ვალდებულებად აღიქმება, რომელიც ქვეყნის ეროვნულ ინტერესებს არაფერს მატებს.
მიუხედავად ამისა, მნიშვნელოვანია ამერიკაში გადაწყვეტილებების მიმღებებს დავანახოთ, თუ რატომ ღირს საქართველოსთან პარტნიორობა. საქართველო, ნატოსა და ევროკავშირის ეგიდით საერთაშორისო მისიებში მონაწილეობით, აჩვენებს, რომ შესწევს ძალა იყოს არა მხოლოდ უსაფრთხოების მომხმარებელი, არამედ - მწარმოებელიც. ამასთან, აუცილებელია გავითვალისწინოთ, რომ რუსეთი, როგორც რევიზიონისტი სახელმწიფო, ებრძვის ამერიკის გავლენას ევროპაში. მის შესაკავებლად რუსეთის დამოუკიდებელი და ძლიერი სახელმწიფოების რგოლში მოქცევა ამერიკის ინტერესებშია. რუსეთი მუდმივად ამოწმებს, თუ რამდენად მტკიცეა ამერიკის ერთგულება ევროპის უსაფრთხოების მიმართ და საქართველოსა და უკრაინის განსაცდელში მიტოვება ნათელი სიგნალია, რომ წითელი ხაზების მოსინჯვა ცენტრალურ და აღმოსავლეთ ევროპაშიც შეიძლება. რუსეთისთვის დათმობა ამერიკის სხვა რეგიონული მეტოქეებისთვისაც სიგნალია, რომ ამერიკის ინტერესების ხარჯზე მათი გავლენის სფეროს გაფართოება შესაძლებელია.
როგორ შეგვიძლია ამერიკის ჩართულობის გაძლიერება საქართველოში?
გარდა იმისა, რომ ამერიკასთან თანამშრომლობის გაღრმავების პროცესში დიდ გავლენას ახდეს ის, თუ როგორი საგარეო-პოლიტიკური ხედვები დომინირებს ქვეყანაში, არანაკლებ მნიშვნელოვანია ჩვენ რას ვაკეთებთ ამ პროცესის ხელშესაწყობად. უსაფრთხოების უზრუნველსაყოფად, ჩვენთვის სასიცოცხლოდ მნიშვნელოვანია შევინარჩუნოთ დასავლეთთან ინტეგრაციის აქტიური ტემპი ისე, რომ რუსეთის წინააღმდეგობის მიუხედავად, ხელი არ ჩავიქნიოთ და მიზნამდე მივიდეთ.
ამ გზაზე სამი ურთიერთადკავშირებული სტრატეგია უნდა გამოვყოთ: ნატოში წევრობისკენ სწრაფვა, ამერიკასთან ორმხრივი სამხედრო თანამშრომლობა და სამხედრო პოტენციალის ზრდაში მნიშვნელოვანი რესურსის ჩადება.
საქართველოს დეკლარირებული საგარეო-პოლიტიკური კურსი დასავლეთთან ინტეგრაციაზე და ჩრდილო-ატლანტიკურ ალიანსში წევრობაზე გადის. ნატოში გაერთიანება ჩვენი უსაფრთხოების უზრუნველყოფის ქვაკუთხედად ითვლება და ამ გზით სვლა აქტიურად უნდა გავაგრძელოთ.
ამასთან, მნიშვნელოვანია ამერიკასთან ორმხრივი სამხედრო თანამშრომლობის პოტენციალის მოსინჯვა. ორმხრივი თანამშრომლობა გულისხმობს როგორც თავდაცვითი იარაღის შესყიდვას და ერთობლივ წვრთნებს, ასევე ქვეყანაში ამერიკის სამხედრო ბაზის განთავსების შესაძლებლობას. ამერიკის სამხედრო ბაზის გამოჩენა საქართველოში არ არის მარტივი მოლაპარაკებების საგანი. ამერიკა ევროპის უსაფრთხოებას ნატოს ფორმატში უზრუნველყოფს, რამაც შესაძლოა საქართველოსთან ორმხრივი სამხედრო ჩართულობა შეაფერხოს, მაგრამ ეს ალტერნატივა ჩვენი დიპლომატიის მიზნად უნდა გავიხადოთ.
პერიოდულად საქართველოშიც ამბობენ, რომ ამერიკის ბაზის ქვეყანაში განთავსება ცუდი აზრია, რადგან ეს შეიძლება გახდეს რუსეთის პროვოცირების მიზეზი. მნიშვნელოვანია გვესმოდეს, რას ნიშნავს ეს ცვლილება ჩვენი უსაფრთხოებისთვის. არსებული სამხედრო ბალანსით რუსეთს ბალტიის ქვეყნების დაპყრობა სადღაც 60 საათში შეუძლია. მიუხედავად ამ რეგიონის მიმართ ღიად აგრესული პოლიტიკისა, რატომ არ გადადის რუსეთი შეტევაზე? პასუხი მარტივია: რუსეთმა იცის, რომ მიღწეული გამარჯვების მიუხედავად, ნატო რეაგირებას მოახდენს და რუსეთს ამერიკის სამხედრო ძალასთან მოუწევს გამკლავება.
საქართველოს შემთხვევაში, ქვეყანაში ამერიკის ბაზის არსებობა ნატოს წევრობის ტოლფასია, რადგან მას იგივე შემაკავებელი ფუნქცია ექნება რუსეთთან დაკავშირებით, რაც აქვს ნატოს უსაფთხოების ქოლგას ბალტიისპირეთის ქვეყნებისთვის. ამერიკის ბაზა უსაფრთხოების უფრო მყარ გარანტიადაც შეგვიძლია აღვიქვათ, რადგან თუ ნატოს ქმედებები კონსენსუსის პრინციპით 29 სახელმწიფოს შორის თანხმდება, ბაზირებული ამერიკის ჯარი დამოუკიდებლად მოქმედებს. შესაბამისად, ამერიკელი სამხედროების საქართველოში ყოფნა არათუ პროვოცირებას უკეთებს ომს, არამედ გვეხმარება ის თავიდან ავირიდოთ, რადგან რუსეთისთვის ცხადია, რომ საქართველოზე შეტევა ნიშავს ამერიკასთან დაპირისპირებას. ბალტიის ქვეყნების მაგალითზე კარგად ჩანს, რომ რუსეთი ასეთ კონფრონტაციას ერიდება.
რუსეთის მაპროვოცირებელია საქართველოს სისუსტე. სტრატეგიული პარტნიორების გარეშე მარტო დარჩენილი ქვეყანა ბევრად უფრო იოლი სამიზნეა რუსეთისთვის, ვიდრე მსოფლიოში წამყვანი სამხედრო ძალის მქონე ამერიკის გზავნილი, რომ საქართველოსთან დაპირისპირება მის სამხედროებთან საქმის დაჭერის ტოლფასია.
ამერიკული ბაზის საქართველოში განთავსების საკითხი ამჟამად დღის წესრიგში არ დგას. მიუხედავად იმისა, რომ ამ მიზნამდე მოკლევადიან პერსპექტივაში ვერ მივალთ, მნიშვნელოვანია გამოვიყენოთ ის ალტერნატივები, რაც არსებულ გეოპოლიტიკურ რეალობაში შესაძლოა უფრო მისაღები იყოს ჩვენი პარტნიორებისთვის. ერთი ასეთი შემოთავაზება აშშ-ის ძალების ევროპული სარდლობის ყოფილი მეთაურის, გენერალ ბენ ჰოჯესისგან მოდის, რომელიც აღმოსავლეთ ევრპოაში, უკრაინასა და საქართველოში როტაციული ძალების განთავსების რეკომენდაციით გამოდის. მსგავსი იდეების წინ წამოწევა და ლობირება ჩვენი დიპლომატიის საქმეა.
ბოლოს, როგორც შარშან საქარველოში ვიზიტად მყოფმა ამერიკის სახელმწიფო მდივნის ყოფილმა თანაშემწემ ვეს მიჩელმა განაცხადა, ამერიკა აგრძელებს იმ სახელმწიფოების დახმარებას, რომლებიც ეხმარებიან საკუთარ თავს თავისუფლებისთვის ბრძოლაში. ჩვენი რესურსების მობილიზებით ჯარისა და რეზერვის მნიშვნელოვნად გაძლიერება სწორედ ის დახმარებაა, რომელიც საკუთარ თავს ჩვენვე უნდა გავუწიოთ. სამხედრო ხარჯების შემცირება პირდაპირ ეწინააღმდეგება ჩვენი თავისუფლებისთვის ბრძოლის იდეას.
თემატური პოსტები
- უნგრეთის არალიბერალური ზეგავლენა საქართველოს ევროპულ ინტეგრაციაზე: შემაშფოთებელი ტენდენცია
- ბლოგი მალე დაემატება
- რუსეთ-საქართველოს შორის ოკუპირებული აფხაზეთის გავლით სარკინიგზო მიმოსვლის აღდგენის მოსალოდნელი პოლიტიკური შედეგები
- ევროკავშირის სანქციების მე-11 პაკეტი და საქართველო
- ოკუპირებული აფხაზეთი და ცხინვალის რეგიონი: ვაჭრობის „ლეგალიზაცია“ და რუსეთის სატრანზიტო დერეფნის პერსპექტივები
- იგებს თუ არა უკრაინა ომს და რა გათვლა შეიძლება ჰქონდეს რუსეთს?
- რუსეთის დიპლომატიური იერიში აფრიკაში
- რუსეთის საგარეო პოლიტიკის ახალი კონცეფცია და საქართველოს ოკუპირებული რეგიონები
- ქართველმა ხალხმა აჩვენა ძალა, თუმცა ევროკავშირს მართებს სიფხიზლე!
- სანქციების მეათე პაკეტი - რუსული აგრესიის ერთი წელი
- ჩინეთ-რუსეთის ურთიერთობის დინამიკა რუსეთ-უკრაინის ომის ფონზე
- რუსეთ-უკრაინის ომი და რუსეთის გრძელვადიანი სტრატეგიული ინტერესები
- ფრენების აღდგენა რუსეთთან – პოტენციური შედეგები საქართველოსთვის
- ჰიბრიდული ომი რუსული წესებით და უკრაინის რეზისტენტობა
- მოლდოვის გამოწვევები უკრაინაში ომის ფონზე
- როგორ გამოიყურება ამერიკა-ჩინეთის პაექრობა თბილისიდან
- ცვლის თუ არა ისრაელის ახალი მთავრობა ამ ქვეყნის პოლიტიკას რუსეთ-უკრაინის ომის მიმართ?
- რა სურს რუსეთს საქართველოსგან?
- გეოპოლიტიკა თურქულად და როგორია მასზე სწორი რეაქცია
- სანქციების მეცხრე პაკეტი - რუსული ესკალაციისა და სარაკეტო იერიშების საპასუხოდ
- საფრთხე, რომელიც რუსეთ-უკრაინის ომის შემდეგ შეიძლება დაემუქროს რუსეთის მეზობლებს
- რისთვის ემზადება ბელარუსი
- ბაიდენის დოქტრინა და მისი შესაძლო შედეგები საქართველოსთვის
- ბელარუსის და რუსეთის მიერ ოკუპირებულ აფხაზეთთან სავაჭრო-ეკონომიკური ურთიერთობების გაღრმავება: „აფხაზეთის დამოუკიდებლობის“ აღიარების წინაპირობა?
- „მიტაცებული ემოციები“ - რუსული პროპაგანდა
- მოახლოებული ზამთრის ენერგოკრიზისი ევროპაში: შეუძლია თუ არა აზერბაიჯანს კონტინენტის მძლავრი ენერგომომმარაგებელი გახდეს?
- სანქციების მერვე პაკეტი - პასუხი რუსულ ანექსიასა და უკანონო რეფერენდუმებზე
- რა ელის იტალიის საგარეო პოლიტიკას ჯორჯია მელონის გამარჯვების შემდეგ?
- სანქციების მეშვიდე პაკეტი და ემბარგო რუსულ ოქროზე
- კანდიდატის სტატუსის მომლოდინე საქართველო ევროპულ პერსპექტივას მიიღებს, რაზე გვაქვს სანერვიულო?
- ცხინვალის არშემდგარი რეფერენდუმი
- ომი და საქართველო
- „ავტოკრატიული მშვიდობა“
- „რურალური ორბანიზმი“ - პოლარიზაცია, როგორც უნგრეთის პოლიტიკური მომავლის განმსაზღვრელი ფაქტორი
- არალეგიტიმური საპრეზიდენტო არჩევნები ცხინვალის რეგიონში: რატომ წააგო ბიბილოვმა და რა იქნება ბიბილოვის შემდეგ?
- ომი უკრაინაში და გაერთიანებული სამეფოს ახალი როლი აღმოსავლეთ ევროპაში
- რას მოუტანს სამხრეთ კავკასიას ეუთოს მინსკის ჯგუფის გაუქმება?
- საფრანგეთის საპრეზიდენტო არჩევნები და ევროპის პოლიტიკური მომავალი
- შეძლებს თუ ვერა ფაშინიანი გარდატეხის შეტანას სომხეთ-აზერბაიჯანის ურთიერთობებში?
- რატომ გააქტიურდა აფხაზური მხარე სოციალურ ქსელებში?
- რატომ არ მოსწონს პუტინს ნეიტრალური უკრაინა? (უკრაინის ნეიტრალური სტატუსი აქტუალური ხდება - რას ნიშნავს ეს პუტინისთვის?)
- ევროპის ენერგომომავალი - გამოწვევები და შესაძლებლობები
- მასობრივი უკონტროლო მიგრაცია და საქართველოს ხელისუფლების პოზიცია
- რა ცვლილებები მოხდა პუტინის რეჟიმის პროპაგანდის ნარატივებში უკრაინაში რუსეთის შეჭრიდან დღემდე
- უკრაინა ევროკავშირში პრაქტიკული ინტეგრაციის გზას მალე დაადგება, საქართველო?
- როგორია თურქეთის პოზიციები და ქმედებები რუსეთ-უკრაინის ომში
- ნატოს შესაძლო გაფართოება ჩრდილოეთ ევროპაში და მისი მნიშვნელობა საქართველოსა და უკრაინისთვის
- პეკინის ზამთრის პოლიტიკური ოლიმპიადა
- რა დგას პუტინის უკრაინაში გამბიტის უკან?
- 2021 აფხაზეთში: ენერგოკრიზისი, ახალი „მინისტრი“ და პოლიტიკური დაპირისპირება
- L'Europe pourra-t-elle éviter le “déjà vu” ? (საფრანგეთი, ევროკავშირის საბჭოს თავმჯდომარე და დაძაბულობა აღმოსავლეთ ევროპაში)
- აშშ-რუსეთის ურთიერთობები და უკრაინის საკითხი
- რამზან კადიროვის რეჟიმის ახალი სამიზნეები
- რა პერსპექტივები დასახა 15 დეკემბერს გამართულმა აღმოსავლეთ პარტნიორობის სამიტმა?
- აღმოსავლეთ პარტნიორობის სამიტი - რატომ უნდა აღიარონ „ასოცირებული ტრიო“?
- რა გავლენას მოახდენს მერკელის პოლიტიკიდან წასვლა ევროკავშირის პოლიტიკაზე რუსეთისა და აღმოსავლეთის სამეზობლოს მიმართ?
- რა დგას საქართველოსა და უნგრეთის მთავრობების მზარდი თანამშრომლობის უკან
- „დობერმანი“ მინისტრად: ინალ არძინბას პერსპექტივები და გამოწვევები
- კრიზისი ბელარუსში: როგორ გავაძლიეროთ ჩვენი მედეგობა რუსეთის სტრატეგიის წინააღმდეგ მის ახლო სამეზობლოში
- მოლდოვას გაზის კრიზისი-რუსეთის კიდევ ერთი პოლიტიკური შანტაჟი
- ევროკავშირი-პოლონეთის გაუარესებული ურთიერთობები და მისი მნიშვნელობა აღმოსავლეთ პარტნიორობის პროგრამისთვის
- ბელარუსი ერთი წლის შემდეგ: დასუსტებული რეჟიმი რუსული „დაცვის“ ქვეშ
- რატომ დაიძაბა ირან-აზერბაიჯანის ურთიერთობები?
- რუსეთის საპარლამენტო არჩევნები - რა შეიძლება ითქვას რეჟიმის სტაბილურობაზე
- გეზი ჩინეთიდან ტაივანისკენ - ახალი საგარეო პოლიტიკური ტრენდი ცენტრალურ და აღმოსავლეთ ევროპაში
- ვაქცინაცია: „ყოფნა?... არ ყოფნა?...“
- შეუძლია თუ არა საქართველოს ჩინეთი რუსეთის დასაბალანსებლად გამოიყენოს?
- შარიათის პატრული ყაბარდო-ბალყარეთში: მზარდი ტენდენცია თუ ადგილობრივი კონფლიქტი?
- ბელარუსის გასვლა აღმოსავლეთ პარტნიორობიდან - რა იქნება შემდგომ?
- Pacta Sunt Servanda: ხელშეკრულებები უნდა შესრულდეს
- ასოცირებული ტრიო და მისი მომავალი
- აფხაზეთში ახალი „პოლიტიკური ელიტის“ ჩამოყალიბება - ვინ ჩაანაცვლებს ძველ „ელიტას“?
- რა სიმბოლოა ევროკავშირის დროშაზე და რატომ არ უნდა ჩამოხიოს და დაწვას ის ჭეშმარიტმა ქრისტიანმა
- ჟენევის სამიტის კიბერგანზომილება
- არქტიკის გამდნარი ყინული და მზარდი საფრთხეები
- ევროპა „საზიანო გარიგების“ შედეგების მოლოდინში
- რას უნდა ველოდოთ ნატოს სამიტისგან
- აფხაზეთისა და სამაჩაბლოს საკითხი ნატოსა და ევროკავშირში გაწევრიანების კონტექსტში
- რუსეთის მიმართ ევროკავშირის საგარეო პოლიტიკის გადაფასება
- აშშ, ლიბერალური საერთაშორისო წესრიგი, 2021 წლის გამოწვევები და საქართველო
- პოლიტიკური კრიზისი მოლდოვაში - ჩიხი გამოსავლის გარეშე
- რუსეთის ტესტი თუ ბულინგი?
- საქართველოს სატრანზიტო შესაძლებლობები, სიახლეები და გამოწვევები პანდემიის ფონზე
- ვაქცინის დიპლომატია - ახალი შესაძლებლობა გლობალური ავტორიტარული გავლენისთვის
- შეთანხმება „დრაკონთან“ – ჩინეთ-ევროკავშირის საინვესტიციო ხელშეკრულების რისკები
- ევროკავშირის წევრობის შესახებ საქართველოს განაცხადი
- ტრანსატლანტიკური ურთიერთობების გამოღვიძება ბაიდენის ადმინისტრაციის პირობებში და ახალი პერსპექტივები საქართველოსთვის
- რუსული გაზის მონოპოლიის დასასრული ბალკანეთზე
- ვის გამოუტანა განაჩენი მოსამართლემ: ნავალნის, პუტინს თუ რუსეთს?!
- ბაიდენის თავსატეხი
- 2020 აფხაზეთში: „არჩევნები“, პანდემია და მეტი ინტეგრაცია რუსეთთან
- უნგრეთის კრიზისი: ევროკავშირის წარუმატებლობა ავტორიტარიზმის წინააღმდეგ?
- ვლ. პუტინის ყოველწლიური დიდი პრეს-კონფერენცია - საყურადღებო გარემოებები და გზავნილები
- COVID-19-ის პანდემიით გამოწვეული ეკონომიკური კრიზისი და საქართველოს ეროვნული ვალუტის არასტაბილურობის შემცირება
- რუსეთის ენერგოპოლიტიკა ცხინვალის რეგიონში
- ვინ მოიგო და ვინ წააგო ყარაბაღის ომით
- რა მოიპოვა რუსეთმა ყარაბაღში
- რა წააგო და რა არ წააგო სომხეთმა ყარაბაღში ცეცხლის შეწყვეტის შესახებ ხელმოწერილი დეკლარაციის შედეგად
- ყარაბაღის კონფლიქტის ესკალაცია: საფრთხეები და გამოწვევები საქართველოსთვის
- ბელარუსის საპროტესტო აქციები, ლუკაშენკო და რუსეთის ფედერაცია
- რამდენიმე მოსაზრება ტერმინის „პოსტსაბჭოთა სივრცე“ გამოყენების თაობაზე
- საქართველოს ევროპული გზა პანდემიური დეგლობალიზაციის პირობებში
- თურქეთის კავკასიური პოლიტიკა სომხეთ-აზერბაიჯანის ბოლო დაძაბულობის ფონზე
- ხაბაროვსკის საპროტესტო გამოსვლები, როგორც რუსეთის ფედერაციის სტაბილურობის ერთგვარი ინდიკატორი
- ქართულ-ამერიკული პარტნიორობის პრაგმატიზმი და იდეალიზმი
- საქართველოს დამოუკიდებლობა და ჩვენი თაობის ისტორიული პასუხისმგებლობა
- პანდემიური პროპაგანდის ტრიო, როგორ იღებს მიზანში დასავლეთს ჩინეთი, რუსეთი და ირანი
- კორონავირუსით გამოწვეული სირთულეები თურქეთში და მისი ასახვა საქართველოზე
- From Russia with love, თუ რუსეთიდან… ეშმაკური გეგმით
- „არჩევნები“ აფხაზეთში: ახალი „პრეზიდენტის“ რევანში და გამოწვევები
- სამომხმარებლო კრიზისი ცხინვალის რეგიონში: ახალი საფიქრალი
- ჩვენი და 1921 წლის ქართველების საერთო ბრძოლის შესახებ
- ქართული თავდაცვა - პოლიტიკური პარადოქსი და უსისტემობის მოჯადოებული წრე
- რუსეთ-თურქეთის დაპირისპირება სირიაში
- რატომ უნდა გვაღელვებდეს ქართული „ტროლ-სკანდალი“? ვრცელი განმარტება
- პოლიტიკური კრიზისის ანატომია ოკუპირებულ აფხაზეთში
- რას ნიშნავს გენერალ ყასემ სოლეიმანის ლიკვიდაცია?
- რას მოუტანს საქართველოს რუსეთთან დიალოგის ახალი ფორმატი?
- „რუსული კულტურის ცენტრის“ შესახებ
- საით მიდის ეკონომიკური პოლიტიკა?
- რუსული პროპაგანდის მთავარი გზავნილები
- რა ვიცით რუსეთის ფედერაციისა და საქართველოს საგარეო საქმეთა მინისტრების შეხვედრის შესახებ?
- რა კავშირია ნატოსა და აფხაზეთის დაბრუნებას შორის?
- ანტისაოკუპაციო პოლიტიკის ახალი აქცენტები
- საქართველოს საკითხი არ განიხილება დიდი შვიდეულის სამიტზე - ვისი ბრალია?
- ვლადიმერ პუტინის ძირითადი გზავნილები Financial Times-თვის მიცემული ინტერვიუდან
- საქართველო და რუსეთის პოსტმოდერნისტული ფაშიზმი
- დუგინი მოგვევლინა საქართველოს გულშემატკივრად - რას უნდა ვუმადლოდეთ ამ ფაქტს?
- ევროპარლამენტის არჩევნების შედეგები - რას ნიშნავს საქართველოსთვის?
- 10 წელი აღმოსავლეთ პარტნიორობის დაარსებიდან
- ნატოს, რუსეთის და პატ ბუჩანანის შესახებ
- რატომაა მნიშვნელოვანი 2019 წლის 31 მარტს თურქეთში ჩატარებული ადგილობრივი არჩევნები
- მუშაობს თუ არა სტრატეგიული პარტნიორობის პრინციპი უკრაინა-საქართველოს ურთიერთობებში?
- ცირკულარული შრომითი მიგრაციის ახალი შესაძლებლობა საქართველოსა და ევროკავშირს შორის
- დღევანდელი რუსეთის რელიგიური ომები
- აშშ-ის შუალედური არჩევნები: შედეგები და მნიშვნელობა
- საქართველოს ვაჭრობა ელექტროენერგიით: ბიტკოინის გავლენა
- ბოლტონის ვიზიტი მოსკოვში - რას უნდა ველოდოთ აშშ-რუსეთის ურთიერთობებში?!
- საქართველოს საგარეო ვაჭრობა: როგორ გავამყაროთ დადებითი ტენდენციები
- ყარაბაღის კონფლიქტის განახლების რისკი სომხეთში მომხდარი ხავერდოვანი რევოლუციის შემდეგ
- სირიის იდლიბის პროვინციაში შექმნილი სიტუაცია, მხარეთა ინტერესები და საფრთხეები
- ჰელსინკის სამიტი და მისი ძირითადი შედეგები
- რატომ არის აუცილებელი ვიცოდეთ რომელ რიცხვში დაიწყო 2008 წლის ომი
- საქართველოს ადგილი „დასავლეთთან დაახლოების ინდექსი 2018-ში“
- რატომ არ გაამართლა ჩვენი მოლოდინი შარლევუაში (კანადა) დიდი შვიდეულის სამიტის შედეგებმა?
- როგორ მოვიგოთ ცივი ომი 2.0
- ბენ ჰოჯესის მოდელი - საქართველოს ნატო-ში გაწევრიანების რეალური გზა
- რუსეთის „ელჩის“ როტაცია აფხაზეთში
- რატომ არ გაახსენდათ დიდი შვიდეულის საგარეო საქმეთა მინისტრებს საქართველო ტორონტოში 2018 წლის 23 აპრილის შეხვედრის დროს?
- ამერიკის სტრატეგია და საქართველო
- პუტინის წინასაარჩევნო ეკონომიკური დაპირებები: მითი და რეალობა
- ელექტროენერგიით ვაჭრობა: 2016 წლის წარმატებები, 2017 წლის რეალობა და შემდგომი პერსპეკქივები - Bitcoin-ის გავლენა (ნაწილი მეორე)
- დარჩეს ჟენევა ისე, როგორც არის
- ელექტროენერგიით ვაჭრობა: 2016 წლის წარმატებები, 2017 წლის რეალობა და შემდგომი პერსპექტივები - Bitcoin-ის გავლენა (ნაწილი პირველი)
- თურქეთის სამხედრო ოპერაცია აფრინში - ახალი ფაზა სირიის კონფლიქტში
- კრემლის საკადრო გადაწყვეტილებები და საქართველოს ოკუპირებული რეგიონები
- რუსული ოპოზიციის გეოპოლიტიკური ხედვა
- რუსეთიდან მომდინარე საფრთხეები და საქართველოს უსაფრთხოების სისტემა
- ევრაზიის ეკონომიკური კავშირი და რუსეთ-საქართველოს თავისუფალი ვაჭრობის შეთანხმების პრობლემები
- არის თუ არა საქართველოს ექსპორტის ზრდა მდგრადი?
- ცხინვალის რეგიონში უსაფრთხოების სფეროზე რუსეთის გავლენა იზრდება: მხარდაჭერა სრული ინტეგრაციის სანაცვლოდ
- რა ელით გალელებს?
- სამხედრო ხარჯების ზრდა და რუსეთთან ურთიერთობა: აზერბაიჯანი სომხეთზე უპირატესობის მოპოვებას ცდილობს
- ხელის შეშლა და ყურადღების გაფანტვა: დასავლეთთან ურთიერთობის რუსული მეთოდოლოგია
- ილ-76 ტიპის ტროას ცხენი, ანუ რატომ სურს რუსეთს ჩვენი ხანძრების ჩაქრობა?
- რუსი დიპლომატები საქართველოში - ვინ არიან ისინი, რამდენი არიან და რას საქმიანობენ?
- პუტინის ვიზიტი ოკუპირებულ აფხაზეთში: იყო კი ჩვენი რეაქცია საკმარისი?
- პენსის ვიზიტი საქართველოში: რამდენიმე გაკვეთილი და რას უნდა ველოდოთ
- მისაღებია თუ არა საქართველოს ნეიტრალიტეტის გამოცხადება
- საქართველოს ევროპული პერსპექტივა ევროკავშირის შემდგომი ევოლუციის კონტექსტში
- Brexit-ის მოლაპარაკება ევროკავშირსა და დიდ ბრიტანეთს შორის განახლდა: რა გავლენას მოახდენს იგი საქართველოზე?
- როგორ შევაჩეროთ „მცოცავი ოკუპაცია“
- კრემლის პოლიტიკა საქართველოს ოკუპირებულ რეგიონებში ახალ ეტაპზე გადადის
- სირიის სამოქალაქო ომი რეგიონული უსაფრთხოების კონტექსტში
- რუსეთის იმპერიალიზმთან ბრძოლის მეორე რაუნდი, რომლის მოგება შესაძლებელია
- თურქეთის საშინაო და საგარეო პოლიტიკა რეგიონული უსაფრთხოების კონტექსტში
- პოსტსაბჭოთა ქვეყნები - ბრძოლა ძალაუფლების ლეგიტიმაციისთვის
- საპარლამენტო არჩევნები სომხეთში - მმართველი პარტიის ტრიუმფი
- საქართველოს დღევანდელი საგარეო პოლიტიკა - რამდენად ეფექტურად უმკლავდება იგი არსებულ გამოწვევებს?
- სამხედრო სიძლიერე - ის რაც სჭირდება ნატო-ს პარტნიორებისგან
- რამდენიმე მოსაზრება „გაზპრომთან“ დადებული ხელშეკრულების თაობაზე
- ახალი რუსული შეიარაღება კავკასიაში და მისი გავლენა საქართველოს ევროატლანტიკურ მისწრაფებებზე